યુક્રેન સાથે રશિયાનું યુદ્ધ લગભગ 2 વર્ષથી ચાલી રહ્યું છે. દરમિયાન રશિયાએ સોમવારે તેના પરમાણુ યુનિટની ડ્રિલ કરી હતી. જેમાં બોમ્બ, બેલેસ્ટિક અને ક્રુઝ મિસાઈલને એકસાથે ચોકસાઈ સાથે છોડવામાં આવી હતી. રશિયાના રાષ્ટ્રપતિ વ્લાદિમીર પુતિને ક્રેમલિનના પરમાણુ કેન્દ્રથી આ કવાયતનું નિરીક્ષણ કર્યું હતું.

આ કવાયતની શરૂઆત પહેલા પુતિને કહ્યું- આજે અમે સ્ટ્રેટેજિક ડિટરન્સ યુનિટની પ્રેક્ટિસ કરી રહ્યા છીએ. આમાં પરમાણુ હથિયારોના ઉપયોગની પ્રેક્ટિસ કરવામાં આવશે.

તેમણે કહ્યું કે રશિયા પરમાણુ હથિયારોનો ઉપયોગ અંતિમ ઉપાય તરીકે જ કરશે. રશિયાની લશ્કરી નીતિમાં સિદ્ધાંત એ છે કે પરમાણુ શસ્ત્રોનો ઉપયોગ ત્યારે જ કરવામાં આવશે જ્યારે દેશની સાર્વભૌમત્વની સુરક્ષા માટે જરૂરી હોય.

પુતિને કહ્યું કે ન્યુક્લિયર ટ્રાયડ અમારી સંપ્રભુતા અને સુરક્ષાની મજબૂત ગેરંટી છે. આ શક્તિઓ અમને વૈશ્વિક શક્તિઓ સાથે સંતુલન જાળવવામાં મદદ કરે છે.