ઈરાને મંગળવારે 7 વર્ષ બાદ સાઉદી અરેબિયામાં પોતાનું દૂતાવાસ ખોલ્યું. આ સાથે, બે મહત્વપૂર્ણ ખાડી દેશો વચ્ચે રાજદ્વારી સંબંધો પુનઃસ્થાપિત થયા. આ પ્રસંગે એમ્બેસી કમ્પાઉન્ડ ખાતે એક સમારોહનું આયોજન કરવામાં આવ્યું હતું. જેમાં અનેક રાજદ્વારીઓએ ભાગ લીધો હતો. ઈરાનના કોન્સ્યુલર બાબતોના નાયબ વિદેશ મંત્રીએ કહ્યું- ઈરાન અને સાઉદી વચ્ચેના સંબંધો માટે આ દિવસ મહત્વપૂર્ણ છે. અમને આશા છે કે આ ક્ષેત્રને સ્થિરતા અને વિકાસ તરફ લઈ જશે.

અગાઉ માર્ચમાં બંને દેશોએ એમ્બેસી ખોલવા માટે સમજૂતી કરી હતી. આ અંતર્ગત, 2016 પછી, બંને દેશો એકબીજાના દેશમાં પોતપોતાના દૂતાવાસને ફરીથી ખોલવા માટે સંમત થયા હતા. ઈરાનના વિદેશ મંત્રી હુસૈન અમીર અબ્દુલ્લાએ લેબનોનની રાજધાની બેરૂતમાં આ માહિતી આપી હતી. આ કરાર ચીન દ્વારા બંને દેશો વચ્ચે કરવામાં આવ્યો હતો.