હાલમાં અમેરિકાના રાષ્ટ્રપતિ જો બાઈડેનએ રોઝ ગાર્ડન રિસેપ્શનનું આયોજન કર્યું હતું. આ દરમિયાન ભારતના દેશભક્તિ ગીત ‘સારે જહાં સે અચ્છા’થી સમગ્ર વ્હાઈટ હાઉસ ગૂંજી ઉઠ્યું હતું. આ દરમિયાન વિદેશ મહેમાનોએ ભારતીય વાનગીઓ પણ સ્વાદ માણ્યો હતો. વ્હાઈટ હાઉસમાં મહેમાનો, પાણીપૂરી, સમોસા અને ભારતીય મીઠાઈ આરોગતાં જોવા મળ્યાં હતા. ભારતીય ઇમિગ્રન્ટ્સ તેમજ અમેરિકનો પણ આ વાનગીઓથી મોહિત થયા હતા.

સમારોહ દરમિયાન રાષ્ટ્રપતિ બાઈડને જણાવ્યું હતું કે એશિયન ઇમિગ્રન્ટ્સ, મૂળ હવાઇયન અને પેસિફિક ટાપુવાસીઓએ આ દેશના ધરતીની સીંચી છે, વિકાસમાં સહકાર આપ્યો છે. બાઈડન આવા લોકોના વિકાસ માટે આગળ કામ કરવાની પ્રતિબદ્ધતા વ્યક્ત કરી હતી.

ચૂંટણીને લઈ ભારતીયોને ખુશ કરવાના પ્રયાસ
અમેરિકામાં આ વર્ષે નવેમ્બરની શરૂઆતમાં રાષ્ટ્રપતિની ચૂંટણી યોજાવા જઈ રહી છે. આ કારણે રાષ્ટ્રપતિ બાઈડન એશિયન સમુદાય ખાસ કરીને ભારતીયોને ખુશ કરવાની કોઈ તક ગુમાવી રહ્યા નથી. તે વાતનો પુરાવો વ્હાઈટ હાઉસના ખાસ કાર્યક્રમમાં ભારતીય ગીત અને પીરસવામાં આવેલી વાનગી આપે છે.