નવી દિલ્હી ખાતે તાજેતરમાં હિન્દી ભાષાના પ્રચાર માટે સમર્પિત પં. દીનદયાલ ઉપાધ્યાય હિન્દી વિદ્યાપીઠ દ્વારા રાષ્ટ્રીય હિન્દી સેમિનાર અને વિદ્યા વાચસ્પતિ સારસ્વત સન્માન સમારોહનું આયોજન નવી દિલ્હીમાં પ્રસિદ્ધ કોન્સ્ટિટ્યુશન ક્લબ ઓફ ઈન્ડિયા ખાતે કરવામાં આવ્યું હતું. દેશની રાજધાની નવી દિલ્હીમાં કોન્સ્ટિટ્યુશન ક્લબ ઓફ ઈન્ડિયા ખાતે તાજેતરમાં આયોજિત એક ભવ્ય સન્માન સમારોહમાં દેશના વિવિધ ક્ષેત્રોના વિદ્વાનોને "વિદ્યા વાચસ્પતિ" અને વિદ્યા વારિધિના બિરુદથી નવાજવામાં આવ્યા હતા.

આ સન્માન સમારોહનું આયોજન ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સીસ, નવી દિલ્હીના સંશોધન વૈજ્ઞાનિક ડો.સ્વર્ણલતા પંચાલના વિશેષ આતિથ્ય હેઠળ, મુખ્ય આતિથ્ય વિદ્યાપીઠના કુલપતિ પદ્મશ્રી ડો.ઈન્દુ ભૂષણ મિશ્રા "દેવેન્દુ"ની અધ્યક્ષતામાં કરવામાં આવ્યું હતું. રાણી લક્ષ્મીબાઈ સેન્ટ્રલ એગ્રીકલ્ચર યુનિવર્સિટીના પૂર્વ વાઇસ ચાન્સેલર ડો. દીપા મિશ્રા મુખ્ય વક્તા તરીકે ઉપસ્થિત રહ્યા હતા, જેઓ દુર્ગ, છતીસગઢથી પધાર્યા હતા. વૈદિક મંત્રોચ્ચાર સાથે દીપ પ્રગટાવી કાર્યક્રમની શરૂઆત કરવામાં આવી હતી. મહેમાનોએ હિન્દી ભાષાના વિકાસ અને તેને રાષ્ટ્રભાષાનો દરજ્જો આપવા અંગે પોતાના વિચારો વ્યક્ત કર્યા હતા અને દેશના વડાપ્રધાનના આહ્વાન પર મહેમાનોએ "માતાના નામે એક વૃક્ષ" અભિયાન અંતર્ગત એક પત્રિકાનું વિમોચન કર્યું હતું અને ક્લબમાં શમીના છોડનું વૃક્ષારોપણ કર્યું હતું.

આ સન્માન સમારોહમાં ગુજરાત રાજ્યના રાજકોટ શહેરના વિરલ એસ. ભટ્ટ કે જેઓ સામાજિક-રાજકીય અગ્રણી છે. ગુજરાત હાઈકોર્ટના ધારાશાસ્ત્રી વિરલભાઈ ભટ્ટ (B.Com., LL.B., LL.M.) વિદ્યાર્થીકાળથી જ લોકસેવા અર્થે રાજકીય ક્ષેત્રે જોડાયેલા વિરલભાઈએ પોતાની રાજકીય કારકિર્દીની શરૂઆત યુથ કોંગ્રેસ તથા સેવાદળના મહામંત્રી તરીકે કરી હતી અને શહેર, પ્રાંત તેમજ પ્રદેશ કક્ષાની પોલીટીકલ જવાબદારી સંભાળી ચુક્યા છે. તેઓએ રાજકોટ મહાનગરપાલિકામાં પાર્ટી કાર્યાલય મંત્રી તરીકેની જવાબદારી છેલ્લા ૧૦ વર્ષ સંભાળેલ છે સાથોસાથ તેઓએ લોકસભા, વિધાનસભા અને મહાનગરપાલિકાની ચુંટણીઓમાં વિશિષ્ટ જવાબદારી સંભાળી છે તેમજ રિઅલ રાજકોટ ડેવલોપર્સ એસોસિએશન (RRDA), સંસ્ક્રુટી (કુલ્લ્ડ ચા), વર્ડીકટ વિકટરી જંકશન (વી.વી.જંકશન), ચાણક્ય ઈલેકશન સોલ્યુશનસ, જય બાલાજી ઓલ ઇન વન કન્સલ્ટન્ટ, નોવા એગ્રો, ક્રોપેક્ષ એગ્રો સહિતની અગ્રણી પેઢીઓના લીગલ એડવાઇઝર તરીકે કાર્યરત છે તેમજ જય અંબે યાત્રા સંઘ (ભટ્ટ પરિવાર) - રાજકોટના પાયાના પથ્થર-કર્તાહર્તા, જય અંબે ફાઉન્ડેશન, એકતા મિત્ર મંડળ ટ્રસ્ટ, યુનિવર્સલ સ્પોર્ટ્સ ફાઉન્ડેશન સહિત અનેક સામાજિક સંસ્થાઓ સાથે જોડાયેલા અને પ્રજાકીય પ્રશ્નોને વાચા આપતા એક જવાબદાર અને ફરજનિષ્ઠ જાગૃત યુવા સામાજિક અગ્રણી એડવોકેટ વિરલ એસ. ભટ્ટે માનવ અધિકાર સંરક્ષણ અને કાયદાકીય જાગૃતિના ક્ષેત્રમાં વિદ્યાવાચસ્પતિ સારસ્વત સન્માન (પીએચ.ડી. એ અનુસ્નાતક ડોક્ટરલ ડિગ્રી છે, પીએચડીને હિન્દીમાં "વિદ્યા વાચસ્પતિ"ની ડિગ્રી કહેવામાં આવે છે. જે એડવોકેટ વિરલ એસ. ભટ્ટને યુનિવર્સિટી દ્વારા એનાયત કરવામાં આવેલ.

આ તકે સમગ્ર ભારતભરમાંથી દેશના જાણીતા શિક્ષણવિદો, લેખકો, શિક્ષકો, સાહિત્યકારો, પર્યાવરણવિદો અને અન્ય વિદ્વાનોએ હિન્દી ભાષા અંગે પોતાના વિચારો વ્યક્ત કર્યા હતા.