દાહોદ જિલ્લામાં બોગસ‎સરકારી કચેરી ઉભી કરવા સાથે‎સરકારી અધિકારી બનીને ફરતાં‎એસ.આર રાજપુતે 2018થી‎માંડીને 2023 સુધી વિવિધ‎પ્રકારના 100 કામોની 18.59‎કરોડનું કૌભાંડ આચર્યાનો‎ઘટસ્ફોટ થયો છે. આ મામલે‎દાહોદ પ્રાયોજના વહિવટદારની‎કચેરી દ્વારા પોલીસ ફરિયાદ‎નોંધાવવામાં આવી છે. ત્યારે આ‎મસમોટા કૌભાંડની તપાસ‎દાહોદના એએસપી કે. સિદ્ધાર્થને‎સોંપવામાં આવી છે. જોકે, ગ્રાન્ટ‎આપ્યા બાદ 5-5 વર્ષ સુધી કોઇ‎ચકાસણી જ ન કરાતા અનેક‎સવાલો ઉભા થયા છે. ત્યારે હવે‎દાહોદ જિલ્લાના કયા ગામોમાં‎કયા પ્રકારના કામ અપાયા હતા‎અને તે થયા છે કે નહીં તેની‎તપાસનો ધમધમાટ શરૂ થશે.‎

જોકે, કેટલાંક કિસ્સામાં સાપ ગયા‎બાદ લિસોટા ઉપર દંડા પછાડવા‎જેવી સ્થિતિનું સર્જન થાય તેમ‎જોવાઇ રહ્યુ છે. બીજી તરફ આ‎કૌભાંડમાં સરકારી અધિકારીઓ‎સાથે રાજકિય અગ્રણી અને‎કેટલાંક કોન્ટ્રાક્ટરો પણ‎સાણસામાં આવે તેવી ચર્ચાઓ‎સંભળાઇ રહી છે. આદિવાસી ‎‎બાહુલ્ય ધરાવતાં જિલ્લામાં આ ‎‎ખેલ કરવા માટે એસ.આર‎રાજપુત દ્વારા દાહોદની બોગસ ‎‎કચેરીઓ ઉભી કરીને નકલી ‎‎સરકારી અધિકારી બનીને આ‎ખેલ કર્યો હતો. કામોના‎આયોજન બાદ પ્રાયોજના કચેરી ‎‎કામ માટે સબંધિત કચેરીઓને ‎‎દરખાસ્ત મોકલતી હોય છે.