સંયુક્ત આરબ અમીરાત (UAE) એ પાકિસ્તાનના નાગરિકોને વિઝા આપવાનું બંધ કરી દીધું છે. આ માહિતી પાકિસ્તાનના ગૃહ મંત્રાલયના અધિકારી સલમાન ચૌધરીએ આપી છે. જોકે, જે લોકો પાસે બ્લુ અને ડિપ્લોમેટિક પાસપોર્ટ છે, તેમને હજુ પણ વિઝા આપવામાં આવી રહ્યા છે.

પાકિસ્તાની અખબાર DAWNએ ટ્રાવેલ એજન્ટોને ટાંકીને જણાવ્યું છે કે પ્રથમ વખત અને સિંગલ-એન્ટ્રી વિઝાની 70-80% અરજીઓ રિજેક્ટ કરવામાં આવી રહી છે. જોકે, જે લોકોના પરિવાર UAEમાં રહે છે, તેમને વિઝા મળવાની શક્યતા વધુ છે.

DAWNના અહેવાલ મુજબ, લાહોરના રહેવાસી 28 વર્ષીય નદીમ પહેલીવાર ફરવા માટે દુબઈ જવા માંગતા હતા, પરંતુ તેમનો વિઝા બે વાર રિજેક્ટ કરવામાં આવ્યા. ટ્રાવેલ એજન્સીએ કારણ જણાવ્યું કે 40 વર્ષથી ઓછી ઉંમરના લોકોની વધુ તપાસ કરવામાં આવી રહી છે.