ચીને અમેરિકા પાસે વેનેઝુએલાના રાષ્ટ્રપતિ નિકોલસ માદુરો અને તેમની પત્નીને તરત જ મુક્ત કરવાની માગ કરી છે. બંને અત્યારે અમેરિકાની કસ્ટડીમાં છે. અમેરિકી સેના તેમને વેનેઝુએલાની રાજધાની કારાકાસથી પકડીને અમેરિકા લઈ ગઈ છે.

ચીની વિદેશ મંત્રાલયે રવિવારે જારી કરેલા નિવેદનમાં જણાવ્યું હતું કે રાષ્ટ્રપતિને આ રીતે પોતાના દેશ લઈ જવા તે ખોટું છે. આ મુદ્દાનો ઉકેલ વાતચીત દ્વારા થવો જોઈએ. આ પહેલા પણ ચીને અમેરિકાની કાર્યવાહી પર આકરી પ્રતિક્રિયા આપી હતી.

ઉત્તર કોરિયાએ વેનેઝુએલામાં અમેરિકાની કાર્યવાહીને ગુંડાગર્દી ગણાવી છે. ઉત્તર કોરિયાના વિદેશ મંત્રાલયનું કહેવું છે કે અમેરિકાની આ કાર્યવાહી કોઈપણ દેશની આઝાદી અને સંપ્રભુતા પર કરવામાં આવેલો સૌથી ગંભીર હુમલો છે.

અમેરિકી સૈનિકોએ 2 જાન્યુઆરીની રાત્રે વેનેઝુએલા પર હુમલો કરી રાષ્ટ્રપતિ નિકોલસ માદુરો અને તેમની પત્ની સીલિયા ફ્લોરેસને પકડી લીધા હતા. ત્યારબાદ તેમને ન્યૂયોર્ક લાવવામાં આવ્યા છે, જ્યાં તેમને ડિટેન્શન સેન્ટરમાં રાખવામાં આવ્યા છે. તેમના પર હથિયાર અને ડ્રગ્સ સાથે જોડાયેલા કેસોમાં મુકદ્દમો ચલાવવામાં આવશે.