ઈઝરાઇલ અને પેલેસ્ટાઈન વચ્ચે ઘણાં દિવસોથી ચાલી રહેલ તણાવ સોમવારે ખતરનાક બની ગયો. ઈઝરાઇલની વાયુસેનાએ પેલેસ્ટાઈનના કબજા હેઠળના વેસ્ટ બેંક વિસ્તારના જેનિન શહેર પર હવાઈ હુમલો કર્યો હતો. જેમાં 7 પેલેસ્ટિનિયન માર્યા ગયા હતા.
હુમલા બાદ ઈઝરાઇલના ગ્રાઉન્ડ ફોર્સ પણ ઓપરેશનમાં જોડાયા હતા. આ દરમિયાન 20 પેલેસ્ટાઈનની ધરપકડ કરવામાં આવી હતી. આ કામગીરી ચાલી રહી છે. આ દરમિયાન પેલેસ્ટાઈનના આતંકવાદી સંગઠને ઈઝરાઇલને બરબાદ કરવાની ધમકી આપી છે. બીજી તરફ ઈઝરાઇલે કહ્યું- જેનિનમાં રેફ્યુજી કેમ્પનો ઉપયોગ આતંકવાદીઓને છુપાવવા અને હથિયાર રાખવા માટે કરવામાં આવી રહ્યો છે. ઈઝરાઇલે તેમની તસવીરો પણ જાહેર કરી છે.