શહેરમાં તરખાટ મચાવતા તસ્કરોએ વધુ એક બંધ મકાનને નિશાન બનાવ્યું છે. રેલનગર મહર્ષિ અરવિંદ ટાઉનશિપના ડી વીંગમાં સાતમા માળે રહેતા અને કાર લે-વેચનું કામ કરતા ઇમરાન મહમદભાઇ વજુગરાએ નોંધાવેલી ફરિયાદ મુજબ, ગત તા.12ની બપોરે બે વાગ્યે ફલેટ બંધ કરી પરિવારજનો સાથે બહાર ગયા હતા.

તા.13ની રાતે આઠ વાગ્યે પરત આવ્યા હતા. બંધ ફલેટ ખોલી ઘરમાં પ્રવેશ કરતા અંદર ચીજવસ્તુઓ વેરણછેરણ જોવા મળી હતી. જેથી ધંધાના પલંગના ગાદલા નીચે રાખેલા રોકડા રૂ.3 લાખની તપાસ કરતા તે જોવા મળ્યાં ન હતા. બાદમાં ફલેટમાં તપાસ કરતા કોઇ શખ્સ બાથરૂમની બારીમાંથી ઘરમાં પ્રવેશ કરી રોકડની ચોરી કરી ગયો હોવાનું જાણવા મળ્યું હતુ.

બનાવ અંગે પ્રદ્યુમ્નનગર પોલીસ મથકમાં ચોરીની ફરિયાદ નોંધાવતા પીએસઆઇ બી.વી.ચુડાસમાએ તસ્કરનું પગેરું મેળવવા સીસીટીવી કેમેરા તેમજ હ્યુમન સોર્સિસથી ભેદ ઉકેલવા તપાસ શરૂ કરી છે.