રાજકોટ શહેરના સાધુવાસવાણી રોડ પર આવેલ ઝુલ્લેલાલ કોલ્ડ્રીંકસ પાસે હર્ષ દવે નામના યુવકે 500 રૂપિયા આપવાનીના પાડતાં તેના મિત્ર દરહાન ઉર્ફે સોઢાએ છરીથી હુમલો કર્યો હતો. જેમાં લોહીલુહાણ હાલતમાં ઈજાગ્રસ્તને સારવારમાં ખસેડાયો હતો. આ અંગે ફરીયાદી રજનીભાઈ નંદલાલભાઈ દવે (ઉ.વ.60) એ જણાવ્યું હતું કે હું આલ્ફા રોડવેજમાં નોકરી કરૂ છું. અને સંતાનમાં બે પુત્રી અને એક પુત્ર હર્ષ ઉર્ફે મોરલી છે. ગઈ તા.27ના હું નોકરી પર હતો ત્યારે મારી પુત્રીનો ફોન આવેલ કે હર્ષને કોઈએ છરી મારેલ છે તેને સીવીલ હોસ્પિટલે સારવારમાં ખસેડેલ છે. જેથી હું ત્યાં પહોંચતા મારા પુત્ર હર્ષને પુછતાં તેને જણાવ્યું હતું કે ગત રાત્રીના મારા મિત્ર ફરદિન ઉર્ફે સોઢાનો ફોન આવેલ હતો કે તે સાધુવાસવાણી રોડ પર જુલ્લેલા કોલ્ડ્રીંકસ પાસે ઉભેલ છુ અને મારે તારૂ કામ છે તેમ કહેતાં હું ત્યા ગયેલ હતો ત્યારે હરદિને કહ્યું કે મારે જામનગર જાવુ છે તું મને 500 રૂપિયા આપ જે મે આપવાની ના પાડતાં તે ઉશ્કેરાયો હતો. અને ઝઘડો કરી છરી ઝીંકી દિધી હતી. બનાવ અંગેની ફરીયાદ પરથી યુનિવર્સિટી પોલીસે તપાસ હાથ ધરી છે.