મહારાષ્ટ્રમાં ભાષા વિવાદમાં, ભાજપના સાંસદ નિશિકાંત દુબેએ સોમવારે કહ્યું, 'જો તમે તમારા મહારાષ્ટ્રમાં મોટા બોસ છો, તો બિહાર આવો, યુપી આવો, તમિલનાડુ આવો, પટકી-પટકીને મારીશું.'

તેમણે સમાચાર એજન્સી ANIને કહ્યું, 'તમે હિંદી ભાષીને મારો છો, જો તમારામાં વધુ હિંમત હોય, તો ઉર્દૂ ભાષીઓ, તમિલો, તેલુગુઓને પણ મારો. તમે આ ઘૃણાસ્પદ કૃત્ય કરતા રહો.'

ભાજપના સાંસદ દુબેએ રાજ ઠાકરેના એ નિવેદનનો જવાબ આપ્યો જેમાં રાજે કહ્યું હતું કે - મરાઠી ન બોલવા બદલ મારજો પણ વીડિયો ના બનાવશો.

દુબેએ કહ્યું- આ અરાજકતા નહીં ચાલે. અમે મરાઠીનું સન્માન કરીએ છીએ. અમે શિવાજી મહારાજ, તાત્યા ટોપે, તિલક, લજપત રાયનું સન્માન કરીએ છીએ. ઉદ્ધવ ઠાકરે અને રાજ ઠાકરે જે કરી રહ્યા છે તેનો અમે વિરોધ કરીએ છીએ.

દુબેએ કહ્યું- જો તેનામાં હિંમત હોય, તો તે નજીકના માહિમ વિસ્તારમાં જાય અને દરગાહ પાસે હિન્દી-ઉર્દૂ ભાષી વ્યક્તિને માર મારે, તો હું સ્વીકારીશ કે તે ખરેખર બાળાસાહેબ ઠાકરેનો વારસદાર છે અને તેમના સિદ્ધાંતોનું પાલન કરી રહ્યા છે.