ભારતના વડા પ્રધાન નરેન્દ્ર મોદીને મંગળવારે બ્રાઝિલના રાષ્ટ્રપતિ લુલા દા સિલ્વા દ્વારા સર્વોચ્ચ નાગરિક સન્માન 'ગ્રાન્ડ કોલર ઓફ ધ નેશનલ ઓર્ડર ઓફ ધ સધર્ન ક્રોસ' એનાયત કરવામાં આવ્યો.

ભારત અને બ્રાઝિલ વચ્ચે દ્વિપક્ષીય સંબંધોને મજબૂત બનાવવા અને વૈશ્વિક મંચો પર સહયોગ વધારવા બદલ પીએમ મોદીને આ એવોર્ડ આપવામાં આવ્યો હતો.

મે 2014 માં વડા પ્રધાન પદ સંભાળ્યા પછી કોઈ વિદેશી સરકાર દ્વારા પીએમ મોદીને આપવામાં આવેલો આ 26મું આંતરરાષ્ટ્રીય સન્માન છે.

વડા પ્રધાન નરેન્દ્ર મોદી બ્રાઝિલની રાજ્ય મુલાકાતે છે. તેઓ મંગળવારે રાજધાની બ્રાઝિલિયામાં અલ્વોરાડા પેલેસ (રાષ્ટ્રપતિ નિવાસસ્થાન) પહોંચ્યા. રાષ્ટ્રપતિ લુલા દા સિલ્વા દ્વારા તેમનું સ્વાગત કરવામાં આવ્યું.