ભારતીય નર્સ નિમિષા પ્રિયાને યમનમાં આવતીકાલે એટલે કે બુધવારે મૃત્યુદંડની સજા ફટકારવામાં આવશે. નિમિષા 2017થી જેલમાં છે, તેના પર યમનના નાગરિક તલાલ અબ્દો મહદીને ડ્રગ્સનો ઓવરડોઝ આપીને હત્યા કરવાનો આરોપ છે.

નિમિષા અને મહદી યમનના એક ખાનગી ક્લિનિકમાં ભાગીદાર હતા. એવો આરોપ છે કે મહદીએ નિમિષાનો પાસપોર્ટ પોતાના કબજામાં રાખ્યો હતો અને તેને ત્રાસ આપ્યો હતો.

યમનમાં, મૃત્યુદંડ માત્ર ગોળી મારીને આપવામાં આવે છે. જોકે પથ્થરમારો કરીને, ફાંસી અને શિરચ્છેદની જોગવાઈ છે, પરંતુ તેનો ઉપયોગ થતો નથી.

ગોળી મારતા પહેલા, ગુનેગારને કાર્પેટ અથવા ધાબળા પર મોઢું રાખીને સૂવડાવવામાં આવે છે.

આ પછી, ડૉક્ટર ગુનેગારની પીઠ પર હૃદયની ઉપર એક નિશાન બનાવે છે અને પછી જલ્લાદ તેને ઓટોમેટિક રાઇફલથી પીઠમાં એ જગ્યાએ ગોળી મારે છે. કેટલાક કિસ્સાઓમાં, મૃત્યુદંડ પહેલાં કોરડા પણ મારવામાં આવે છે.