અમેરિકામાં આગામી વર્ષે યોજાનાર પ્રમુખપદની ચૂંટણી પહેલા બોઇંગ કંપનીએ એર ઇન્ડિયા સાથે 220 વિમાનોને 2.81 લાખ કરોડ રૂપિયા (34 અબજ ડોલર)માં ખરીદવાની ડીલ કરી છે. આ સોદાની ખાસ વાત એ છે કે બાઇડેને મિડલ ક્લાસને ધ્યાનમાં રાખતા એવો દાવો કર્યો છે કે 44 રાજ્યોમાં નવા રોજગાર માટે કોલેજ ડિગ્રીની અનિવાર્યતા નહીં રહે.

મૂળ વાત એ છે કે બાઇડેનનો આ દાવ અમેરિકનો કરતા ત્યાં રહેતા ભારતીયો માટે ફાયદાકારક પુરવાર થશે. તેનું સૌથી મોટું કારણ અભ્યાસમાં અમેરિકી વિદ્યાર્થીઓની પીછેહઠ છે. ન્યૂ સ્ટેનફોર્ડના એક સંશોધન અનુસાર 2022-23માં 12મા સુધીના ધોરણોમાં 12 લાખ ઓછા વિદ્યાર્થીઓનો પ્રવેશ થયો હતો. અમેરિકામાં કુલ શિક્ષિતોમાંથી ચોથા ભાગના લોકો પાસે જ કોલેજની ડિગ્રી છે. જ્યારે અમેરિકામાં દર વર્ષે અઢી લાખ ભારતીય વિદ્યાર્થી ચાર વર્ષનો ડિગ્રી કોર્સ કરે છે. બાદમાં તેઓ જ નોકરી મેળવે છે.