હાઇકોર્ટને ગેરમાર્ગે દોરવાના ગુનામાં સંડોવાયેલી ડોલી બીરવાણી નામની મહિલા આરોપીએ જામીન પર છૂટવા કરેલી અરજીને સેશન્સ કોર્ટે નામંજૂર કરી છે.દુષ્કર્મની ફરિયાદ નોંધાવનાર ભોગ બનનાર મહિલાએ તેને રોકેલા વકીલ સંજય પંડિત સાથે અણબનાવ બનતા તેને હટાવ્યા હતા. જેથી આરોપીએ ભોગ બનનાર મહિલાને દિનાબેન નામની મહિલાના પતિ વચ્ચે આડા સંબંધો હોવાનું બતાવી મહિલાના ચારિત્ર્યને નુકસાન થાય તેવા ઇરાદાથી અને આરોપી ગોકુલ સગપરિયાને ફાયદો થાય તે માટે પિટિશન દાખલ કરી દુષ્કર્મની ફરિયાદ રદ કરવા હાઇકોર્ટમાં અરજી કરી હતી.

જેમાં આરોપીઓએ દિનાબેનના નામની ખોટી સહી સાથે સોગંદનામું પણ રજૂ કર્યુ હતું, પરંતુ આરોપીઓના કૌભાંડનો પર્દાફાશ થતા વકીલ સંજય પંડિત, ડોલી બીરવાણી, ગોકુલ સગપરિયા સામે વધુ એક ફરિયાદ નોંધાઇ હતી. જે ફરિયાદને પગલે આરોપીઓ પૈકી ડોલી બીરવાણીએ ધરપકડથી બચવા સેશન્સ, હાઇકોર્ટમાં આગોતરા જામીન અરજી કરી હતી. જે નામંજૂર થતા પોલીસે તેની ધરપકડ કરી જેલહવાલે કરી હતી. દરમિયાન જેલહવાલે થયેલી ડોલી બીરવાણીએ જામીન અરજી કરતા ફરિયાદ પક્ષે રોકાયેલા એડવોકેટ સુરેશ ફળદુ, સરકારી વકીલ સ્મિતાબેન અત્રીની દલિલ ધ્યાને લઇ અદાલતે ડોલીની જામીન અરજીને નામંજૂર કરી છે.