ગેમ ઓફ થ્રોન્સ, હેરી પોટર, સક્સેશન અને ડિસ્કવરી જેવી ફિલ્મો અને શો ટૂંક સમયમાં જિયો સિનેમા એપ પર ઉપલબ્ધ થશે. આ માટે મુકેશ અંબાણીની કંપની Viacom18એ હોલીવુડના જાણીતા પ્રોડક્શન હાઉસ Warner Bros Discovery Inc સાથે ડીલ કરી છે. આ ડીલ પછી Jio Cinema Amazon Prime Video અને Disney Hotstarને સીધી સ્પર્ધા આપશે.

Viacom18 અને વોર્નર બ્રધર્સે જણાવ્યું હતું કે, Jio સિનેમા પર મૂવીઝ અને શોનું પ્રીમિયર ફક્ત યુએસમાં જ થશે. અગાઉ, ડિઝની પાસે વોર્નર બ્રધર્સ અને એચબીઓ તરફથી કન્ટેન્ટ સ્ટ્રીમ કરવાના રાઈટ્સ હતા. આ પાર્ટનરશિપ 31 માર્ચ 23ના રોજ સમાપ્ત થઈ. આ કારણોસર ભારતીય દર્શકો HBOના ગેમ ઓફ થ્રોન્સ જેવા શો સ્ટ્રીમ કરી શક્યા ન હતા. વોર્નર બ્રધર્સ HBOની મૂળ કંપની છે.

Warner Bros કન્ટેન્ટ માત્ર Jio સિનેમા પર જ ઉપલબ્ધ હશે
સમાચાર એજન્સી રોઈટર્સે સૂત્રોને ટાંકીને જણાવ્યું હતું કે આ પાર્ટનસશિપ એક્સક્લૂસિવ હશે. એટલે કે, વોર્નર બ્રધર્સ શો અને મૂવી એમેઝોન પ્રાઇમ વીડિયો અને ડિઝની હોટસ્ટાર સહિત અન્ય ભારતીય OTT પ્લેટફોર્મ પર તેમની મોટાભાગની લોકપ્રિય મૂવીઝ અને સિરીઝ ઑફર કરી શકશે નહીં.