ગત ફેબ્રુઆરી માસમાં ગરમીનો રેકોર્ડ બન્યો છે. 1900 પછી દેશમાં હવામાન વિભાગ દ્વારા નોંધાયેલ તાપમાનની દ્રષ્ટિએ ફેબ્રુઆરી સૌથી ગરમ હતો. ભારતીય રિઝર્વ બેંકના તાજેતરના અહેવાલમાંથી આ માહિતી સામે આવી છે. વિશ્વ હવામાન સંસ્થા (ડબ્લ્યુએમઓ) ના ડેટા મુજબ, દેશમાં માર્ચ મહિનામાં કમોસમી વરસાદ અને કરા પડવાને કારણે ઉભા પાકને મોટા પાયે નુકસાન થયું છે.

રિપોર્ટમાં જણાવવામાં આવ્યું છે કે સરસાઈ મુજબ, પાછલા વર્ષ (2022)માં ભારે હવામાનની ઘટનાઓ જોવા મળી હતી. ગયા વર્ષે 365 માંથી 314 દિવસ અત્યંત આકરું હવામાન નોંધાયું હતું. આ દરમિયાન 3026 લોકોએ જીવ ગુમાવ્યા હતા. 19.6 લાખ હેક્ટરમાં પાક અને 4,23,249 ઘરોને અસર થઈ હતી. તેમજ 69,999 પશુઓના જીવ પણ ગયા.

આ દરમિયાન અતિ આકરા હવામાનના કારણે મધ્ય ભારતને સૌથી વધુ અસર થઇ હતી. પરંતુ ઉત્તર-પશ્ચિમ ક્ષેત્રથી હિમાચલ પ્રદેશમાં સૌથી વધુ મૃત્યુ નોંધાયા છે. આસામના પૂર્વ અને ઉત્તરપૂર્વીય વિસ્તારોમાં સૌથી વધુ ઘરોને નુકસાન થયું હતું અને પ્રાણીઓના મોત થયા હતા. દક્ષિણ દ્વીપકલ્પ પ્રદેશમાં, કર્ણાટકમાં 91 દિવસ સુધી આકરા હવામાનની અસર જોવા મળી હતી. સમગ્ર દેશમાં જે પાકને નુકસાન થયું છે તેમાંથી 53% કર્ણાટકમાં નુકસાન થયું છે.

સંયુક્ત રાષ્ટ્રએ આશંકા વ્યક્ત કરી છે કે આગામી પાંચ વર્ષમાં પૃથ્વીનું સરેરાશ તાપમાન 1.5 ડિગ્રી સુધી વધી શકે છે. જો કે, નિષ્ણાતો માનવું છે કે આ વૃદ્ધિ ક્ષણિક હશે અને વધુ ચિંતાજનક બાબત નથી. વિજ્ઞાનીઓનું અનુમાન છે કે અલ નીનો અસરના અસ્થાયી ઉદભવને કારણે, કોલસો, તેલ અને ગેસના બ‌ળવાથી વધતા તાપમાનમાં અસ્થાયી વધારો આવી શકે છે. ત્યાર બાદ તાપમાનમાં થોડો ઘટાડો આવશે.