શેરબજાર આજે એટલે કે સોમવાર 4 ડિસેમ્બરે નવા રેકોર્ડ સ્તરે પહોંચી ગયું છે. સેન્સેક્સે 68,918.22ની સર્વકાલીન ઊંચી સપાટી બનાવી છે, જ્યારે નિફ્ટીએ પણ 20,702.65ની ઊંચી સપાટી બનાવી છે.

અગાઉ, સેન્સેક્સનો ઓલ-ટાઇમ હાઇ 67,927 હતો, જે 15 સપ્ટેમ્બરે બન્યો હતો. નિફ્ટીનો ઓલ-ટાઇમ હાઈ 20,272.75 હતો, જે તેણે 1 ડિસેમ્બર, શુક્રવારે ટ્રેડિંગમાં બનાવ્યો હતો.

સેન્સેક્સ 1384 પોઈન્ટ અથવા 2.05% વધીને 68,865 પર બંધ થયો. નિફ્ટી 416.95 પોઈન્ટ અથવા 2.06% વધીને 20,684 પર બંધ થયો. સેન્સેક્સના 30 શેરોમાંથી 26 વધ્યા અને 4 ઘટ્યા. ઘટતા શેરોમાં ટાટા મોટર્સ, સન ફાર્મા, મારુતિ અને વિપ્રો હતા.