અમેરિકામાં શિક્ષણ પ્રદ્ધતિની સ્થિતિ ધારણા કરતાં વધુ નિરાશાજનક છે. અહીંની 80% સ્કૂલ યોગ્ય શિક્ષકોને નિયુક્ત કરવા માટે સંઘર્ષ કરી રહી છે. ત્યારે, પહેલાંથી ભણાવી રહેલા શિક્ષકો ઓછામાં ઓછા સંસાધનો અને માતા-પિતા, સ્કૂલ પ્રશાસનની વધારે પડતી અપેક્ષાઓ વચ્ચે સતત ઝઝૂમી રહ્યાં છે.

હાલમાં જ પ્યૂ દ્વારા પબ્લિક સ્કૂલોમાં કિન્ડરગાર્ડનથી બારમા ધોરણ સુધીના 2531 શિક્ષકો પર સરવે કરાયો. સરવેમાં જાણવા મળ્યું કે 90% શિક્ષકો માટે વેતન, વિદ્યાર્થીઓની સતત ગેરહાજરી ચિંતા અને હતાશાનું કારણ બન્યું છે. 85% શિક્ષક તેમને મળતા વેતનથી ખુશ નથી. 30% શિક્ષક આ વર્ષે નવી નોકરી શોધી રહ્યા છે. ત્યારે, બે તૃતીયાંશ માટે સ્કૂલમાં ભણવું મુશ્કેલીનું કારણ બન્યું છે.

વિદ્યાર્થીનો વ્યવહાર તેમના કામને વધારે મુશ્કેલ બનાવી રહ્યો છે. 60% શિક્ષકોનું કહેવું છે કે તેમને દરરોજ વિદ્યાર્થીઓના દુર્વ્યવહારનો સામનો કરવો પડે છે. તેમાંથી 40%એ વિદ્યાર્થીઓનું હિંસક હોવું પણ ગણાવ્યું છે.

સમસ્યા એ છે કે આવી સ્થિતિમાં તે મદદ માટે માતા-પિતા પર પણ વિશ્વાસ નથી કરી શકતા. તેમાંથી લગભગ 80% એ કહ્યું કે સ્કૂલોમાં દુર્વ્યવહાર માટે બાળકોને જવાબદાર ગણાવા માતા-પિતા ખૂબ ઓછા પ્રયત્નો કરે છે. આ ઉપરાંત 47% શિક્ષકો અનુસાર વિદ્યાર્થીઓને ભણવામાં ખૂબ ઓછી અથવા જરા પણ રુચિ નથી. હાઈસ્કૂલના 77% શિક્ષકો માને છે કે વિદ્યાર્થીઓનું ધ્યાન ભટકવાનું મુખ્ય કારણ ફોન છે.