ઉત્તર કોરિયાના સરમુખત્યાર કિમ જોંગ ઉન નવી મર્સિડીઝ બેન્ઝ કાર સાથે દેખાયા હતા. તે લક્ઝરી કાર મર્સિડીઝ મેબેક જીએલએસ 600 સાથે જોવા મળ્યો હતો. કિમ જોંગ ઉન ગયા અઠવાડિયે ઉત્તરીય પ્રાંત પ્યોંગયાંગના ઉઇજુ કાઉન્ટીમાં પૂરથી પ્રભાવિત વિસ્તારોની મુલાકાત લેવા ટ્રેન દ્વારા પહોંચ્યા હતા.

આ દરમિયાન તેની લક્ઝરી કાર પણ ટ્રેનમાં જોવા મળી હતી. જો કે યુનાઈટેડ નેશન્સે ઉત્તર કોરિયા પર વૈભવી સામાનની આયાત અને નિકાસ પર પ્રતિબંધ લગાવી દીધો છે. ઉત્તર કોરિયાની ન્યૂઝ એજન્સી KCNA દ્વારા કિમની કાર સાથેની તસવીરો જાહેર કરવામાં આવી છે.

કિમની નવી કારની કિંમત લગભગ 2 કરોડ રૂપિયા
કિમ જોંગ ઉનની આ નવી કારની કિંમત લગભગ 2 કરોડ રૂપિયા છે. આ કારને આ વર્ષે એપ્રિલમાં દક્ષિણ કોરિયામાં લૉન્ચ કરવામાં આવેલી Mercedes Maybach GLS 600નું ટોપ ક્લાસ મૉડલ હોવાનું કહેવાય છે. કિમને મર્સિડીઝ કાર ખૂબ જ પસંદ છે.

સરમુખત્યાર કિમે પોતાની સાથે લક્ઝરી કલેક્શન બનાવ્યું છે. 40 વર્ષીય કિમ રોલ્સ-રોયસ ફેન્ટમ, મર્સિડીઝ-મેબેક એસ600 ગાર્ડ, અમેરિકન બનાવટની 5મી પેઢીના કેડિલેક એસ્કેલેડ અને આર્મર્ડ લેક્સસની માલિકી ધરાવે છે.