2024માં લોનના ઉંચા દર, આર્થિક સંક્રમણના કારણે ગ્રાહકો દ્વારા લોનની માગમાં સામાન્ય રહી છે. દેશમાં આ વર્ષે લોન લેવાના ટ્રેન્ડમાં બદલાવ આવ્યો છે. હોમ લોન, ગોલ્ડ લોન અને સિક્યોર્ડ લોન સિવાય અન્ય તમામ પ્રકારની લોનમાં ધીમી વૃદ્ધિ જોવા મળી છે. બેંકો દ્વારા વિતરિત કરવામાં આવેલી કુલ લોનમાં 16%ની વૃદ્ધિ જોવા મળી હતી. પરંતુ આ ઝડપ 2023માં 18% અને 2022માં 21% હતી.

લોનની મુખ્ય 9 શ્રેણીઓમાં ગોલ્ડ લોનમાં સૌથી વધુ 56% વૃદ્ધિ જોવા મળી હતી. આ પછી હાઉસિંગ લોન 18% ગ્રોથ સાથે બીજા ક્રમે છે. તે જ સમયે, આ વર્ષે વ્યક્તિગત લોનની વૃદ્ધિ 11% હતી, જે 2023 માં 23% હતી. એટલે કે એક વર્ષમાં આ વૃદ્ધિ લગભગ અડધી થઈ ગઈ. વાહન લોનની વૃદ્ધિ પણ 20% થી ઘટીને 11% થઈ ગઈ છે. રિઝર્વ બેંકના ડેટા અનુસાર, બેંકોએ 2024માં કુલ 52.78 લાખ કરોડ રૂપિયાની સુરક્ષિત લોન આપી હતી. આ 2023 માં બેંકો દ્વારા આપવામાં આવેલી 45.57 લાખ કરોડની સુરક્ષિત લોન કરતાં 16% વધુ છે.