દેશમાં અસંગઠિત ક્ષેત્રમાં લાખો કામદારો એવા છે, જેઓ દૈનિક વેતન મજૂર તરીકે કામ કરે છે, પરંતુ કોઈપણ સંગઠન સાથે સંકળાયેલા ન હોવાને કારણે, તેમને ભવિષ્ય માટે પીએફ જેવી સુવિધાઓનો લાભ મળતો નથી.

આ કામદારો અથવા મજૂરોને નાણાકીય મદદ પૂરી પાડવા અને તેમને આર્થિક રીતે મજબૂત બનાવવા માટે, કેન્દ્ર સરકાર દ્વારા 'પ્રધાનમંત્રી શ્રમ યોગી માન-ધન યોજના' ચલાવવામાં આવી રહી છે. આ યોજના વૃદ્ધાવસ્થામાં માસિક આવકનો સ્ત્રોત બની શકે છે.

આ યોજનામાં, કામદારોને દર મહિને 3000 રૂપિયાના પેન્શનનો લાભ મળે છે. આમાં શેરી વિક્રેતાઓ, રિક્ષાચાલકો, બાંધકામ ક્ષેત્ર અને આવા અસંગઠિત ક્ષેત્રોમાં કામ કરતા કામદારોનો સમાવેશ થાય છે. જો તમે પણ અસંગઠિત ક્ષેત્રમાં કામ કરો છો અને અત્યાર સુધી કોઈ પેન્શન યોજના લીધી નથી, તો તમે પ્રધાનમંત્રી શ્રમ યોગી માનધન યોજનાનો લાભ લઈ શકો છો.

આ યોજના અસંગઠિત ક્ષેત્રમાં કામ કરતા કામદારો માટે છે. આમાં ઘરકામ કરનારા, શેરી વિક્રેતાઓ, ડ્રાઇવરો, પ્લમ્બર, દરજી, મધ્યાહન ભોજન કામદારો, રિક્ષાચાલકો, બાંધકામ કામદારો, કચરો વીણતા સફાઈકર્મી, બીડી બનાવનારા, હાથશાળ કામદારો, કૃષિ શ્રમિકો, મોચી, ધોબી, ચામડાના કામદારોનો સમાવેશ થાય છે.