દક્ષિણપશ્ચિમ ચોમાસું દેશભરમાં ભારે વરસાદ પડી રહ્યું છે. અત્યાર સુધીમાં ચોમાસાની ઋતુમાં સામાન્ય કરતાં 15% વધુ વરસાદ પડ્યો છે. આ સમય સુધીમાં 221.6mm વરસાદ પડતો હોય, પરંતુ 254mm મીમી વરસાદ પડી ચૂક્યો છે.

મધ્યપ્રદેશમાં સતત વરસાદને કારણે બાલાઘાટ, મંડલા, સિવની, ઇટારસી અને કટની સહિત ઘણા જિલ્લાઓમાં પૂરની સ્થિતિ સર્જાઈ છે. અનુપપુરમાં પુલ તૂટી પડવાથી એક કાર તણાઈ ગઈ હતી. આમાં પતિ-પત્ની અને 2 બાળકોના મોત થયા હતા.

હિમાચલ પ્રદેશમાં છેલ્લા 6 દિવસમાં ભારે વરસાદને કારણે 14 લોકોના મોત થયા છે, જ્યારે 28 લોકો ગુમ છે. જોકે, હવામાન હવે સામાન્ય થઈ ગયું છે. તેમજ, ઉત્તરાખંડના પીપલકોટીમાં બદ્રીનાથ હાઇવે પર ભૂસ્ખલનને કારણે રસ્તો બંધ થઈ ગયો છે. દેહરાદૂનનાં ઘરોમાં પાણી ઘૂસી ગયા છે.

છત્તીસગઢમાં છેલ્લા 3 દિવસથી ભારે વરસાદ પડી રહ્યો છે. બિલાસપુરના ઘણા વિસ્તારો પાણીમાં ડૂબી ગયા છે. આ દરમિયાન રાજસ્થાનના 20થી વધુ જિલ્લાઓમાં વરસાદ ચાલુ છે. દૌસામાં દિવાલ પડવાથી એક મહિલાનું મોત નીપજ્યું. ઝુંઝુનુમાં બાઘોલી નદીના ભારે વહેણને કારણે NH-52 ને જોડતો રસ્તો તૂટી ગયો હતો.