માર્કેટ વેલ્યુએશન દ્રષ્ટિએ, દેશની ટોપ-10 કંપનીઓમાંથી 8 કંપનીઓની માર્કેટ વેલ્યુમાં ગયા સપ્તાહના કારોબારમાં રૂ. 1.69 લાખ કરોડનો વધારો થયો છે. જ્યારે 2 કંપનીઓની વેલ્યુમાં રૂ. 13,883 કરોડનો ઘટાડો થયો છે.

આ દરમિયાન, બજાજ ફાઇનાન્સની વેલ્યુ સૌથી વધુ રૂ. 40,788.38 કરોડ વધીને રૂ. 6.24 લાખ કરોડ થઈ. ઇન્ફોસિસની વેલ્યુ રૂ. 33,736.83 કરોડ વધીને રૂ. 6.33 લાખ કરોડ થઈ.

TCSની વેલ્યુમાં ₹30,970 કરોડનો વધારો થયો

TCSની વેલ્યુ ₹30,970.83 કરોડ વધીને 11.33 લાખ કરોડ રૂપિયા થઈ છે. જ્યારે માર્કેટ કેપની દ્રષ્ટિએ દેશની સૌથી મોટી કંપની રિલાયન્સ ઇન્ડસ્ટ્રીઝની વેલ્યુ ₹27,741.57 કરોડ વધીને 18.87 લાખ કરોડ રૂપિયા પહોંચી છે.

HUL અને LICની માર્કેટ વેલ્યુમાં ઘટાડો થયો

આ દરમિયાન, ગયા અઠવાડિયે HULના શેરમાં વેચવાલી જોવા મળી હતી અને તેની વેલ્યુ ₹12,429.34 કરોડ ઘટીને ₹6.06 લાખ કરોડ થઈ હતી. આ દરમિયાન, LICની વેલ્યુ ₹1,454.75 કરોડ ઘટીને ₹5.53 લાખ કરોડ થઈ હતી.

શુક્રવાર, 12 સપ્ટેમ્બરના રોજ શેરબજારમાં તેજી જોવા મળી હતી. સેન્સેક્સ 355 પોઈન્ટ વધીને 81,904 પર બંધ થયો હતો. નિફ્ટીમાં પણ લગભગ 108 પોઈન્ટનો વધારો થયો હતો. તે 25,114 પર બંધ થયો હતો.