સોના અને ચાંદીના ભાવમાં નોંધપાત્ર ઘટાડો જોવા મળી રહ્યો છે. ઈન્ડિયન બુલિયન માર્કેટમાં સોનાના ભાવમાં ₹4,000થી વધુનો ઘટાડો થયો છે. ધનતેરસ પહેલાં રેકોર્ડ સ્તરે પહોંચ્યા પછી આ ઘટાડો થયો છે

20 ઓક્ટોબરના રોજ દિવાળી ખૂબ જ ઉત્સાહથી ઊજવવામાં આવી રહી છે. આ અવસર સોના અને ચાંદી ખરીદવા માગતા લોકો માટે એક શ્રેષ્ઠ તક છે, કારણ કે સોના અને ચાંદી બંનેના ભાવમાં નોંધપાત્ર ઘટાડો થયો છે. ચાંદી ₹17,000 સસ્તી થઈ છે, જ્યારે સોનાના ભાવ ₹5,000થી વધુ ઘટ્યા છે. આ ફેરફારો MCX દરો પર થયા છે, અને એની અસર બુલિયન બજારમાં પણ દેખાઈ રહી છે.

16 ઓક્ટોબરના રોજ MCX પર ચાંદીનો ભાવ ₹170,000ને પાર કરી ગયો હતો, પરંતુ આજે એ ઘટીને ₹153,000 થઈ ગયો છે. આનો અર્થ એ થયો કે ભાવ એના રેકોર્ડ ઉચ્ચતમ સ્તરથી ₹17000 ઘટી ગયો છે. ફક્ત આજે જ ચાંદીનો ભાવ પ્રતિ કિલો આશરે ₹4000 ઘટ્યો છે.