31 ડિસેમ્બરે બર્કશાયર હેથવેના CEO પદ પરથી રાજીનામું આપી રહ્યા છે. 95 વર્ષના બફેટના છ દાયકા લાંબા આ સફરના અંતની કહાની ઘણી રસપ્રદ છે. જે કંપનીના દમ પર તેઓ દુનિયાના 9માં સૌથી અમીર વ્યક્તિ બન્યા, તેને ખરીદવું તેઓ પોતાના જીવનની 'સૌથી મોટી ભૂલ' માને છે.

બફેટે આ કંપની કોઈ બિઝનેસ ડીલ માટે નહીં, પરંતુ ગુસ્સામાં આવીને ખરીદી હતી. એકવાર નિવૃત્તિ પર બફેટે કહ્યું હતું, આ વિશે વિચારવું પણ અશક્ય છે. મારા માટે આ મૃત્યુ કરતા પણ ખરાબ હશે. તેઓ આજે પણ અઠવાડિયામાં પાંચ દિવસ ઓમાહા સ્થિત હેડક્વાર્ટર જાય છે.

બફેટ બોલ્યા- ઘરે બેસીને સોપ ઓપેરા જોવાનો કોઈ ઇરાદો નથી

બફેટે ધ વોલ સ્ટ્રીટ જર્નલ સાથેની વાતચીતમાં મજાકીયા અંદાજમાં કહ્યું, "હું ઘરે બેસીને સોપ ઓપેરા (ટીવી સિરિયલ) જોવાનો નથી. મારી રુચિ હજુ પણ એ જ છે જે પહેલા હતી. હું ચેરમેન તરીકે આસપાસ જ રહીશ અને ગ્રેગ માટે ઉપયોગી સાબિત થઈ શકું છું."

1965માં જ્યારે વોરેન બફેટે બર્કશાયર હેથવેનો કંટ્રોલ હાથમાં લીધો હતો, ત્યારે તે એક સંઘર્ષ કરી રહેલી ટેક્સટાઇલ (કાપડ) કંપની હતી. બફેટે તેને દુનિયાની સૌથી મોટી કંપનીઓમાંથી એકમાં બદલી દીધી.

આજે બર્કશાયર હેથવે 1 ટ્રિલિયન ડોલર એટલે કે, લગભગ 90 લાખ કરોડ રૂપિયાની વેલ્યુવાળી કંપની છે. તેની પાસે કોકા-કોલા, ક્રાફ્ટ હેન્ઝ અને એપલ જેવી મોટી બ્રાન્ડ્સની ભાગીદારી છે, સાથે જ જીકો અને નેટજેટ્સ જેવી કંપનીઓ પણ તેના પોર્ટફોલિયોમાં સામેલ છે.