રાજકોટ સહિત રાજ્યભરમાં 9મીએ પંચાયત સેવા પસંદગી મંડળની જુનિયર ક્લાર્કની પરીક્ષા લેવામાં આવનાર છે. અનેક ઉમેદવારોને પોતાના બદલે અન્ય જિલ્લામાં કેન્દ્ર ફાળવાયું છે ત્યારે રાજકોટના મોટાભાગના ઉમેદવારોને અમદાવાદ, ગાંધીનગર, પાલિતાણા, ભાવનગર, અમરેલી સહિતના જિલ્લામાં પરીક્ષા આપવા જવાનું હોવાથી એસ.ટી બસમાં એડવાન્સ બુકિંગ કરાવવા ઉમેદવારોનો બસપોર્ટમાં ભારે ધસારો જોવા મળે છે. રાજ્યનું એસ.ટી નિગમ પણ ગુજરાતભરમાં 6500 જેટલી બસ અને રાજકોટ જિલ્લામાં 250 જેટલી એક્સ્ટ્રા બસ દોડાવવામાં આવનાર છે.

ઉમેદવારોએ ભીડનો સામનો ન કરવો પડે અને સરળતાથી જે-તે જિલ્લામાં પરીક્ષા આપવા સરળતાથી પરીક્ષા આપવા પહોંચી શકે તે માટે બસપોર્ટ પર એડવાન્સ બુકિંગ કરાવવા પહોંચ્યા છે. અત્યાર સુધીમાં રાજકોટથી ઉપડતી 100થી વધુ એસ.ટી બસ હાઉસફૂલ થઇ ગઈ છે.