સીરિયામાં તુર્કી ઇન્ટેલિજન્સ એજન્સી દ્વારા હાથ ધરવામાં આવેલા ઓપરેશનમાં આતંકી સંગઠન ISISનો ચીફ અબુ હુસૈન અલ-કુરેશી માર્યો ગયો હતો. આ જાણકારી ખુદ તુર્કીના રાષ્ટ્રપતિ રેસેપ તૈયપ એર્દોગને આપી છે. સરકારી મીડિયાને આપેલા એક ઇન્ટરવ્યુ દરમિયાન એર્દોગને કહ્યું કે ગુપ્તચર એજન્સીઓ લાંબા સમયથી કુરેશીની શોધ કરી રહી હતી.

સીરિયાના સુરક્ષા અધિકારીઓના જણાવ્યા અનુસાર, આ ઓપરેશન જાંદરીસ શહેરમાં કરવામાં આવ્યું હતું. જેના પર તુર્કી સમર્થિત વિદ્રોહીઓનો કબજો છે. અબુ હુસૈન અલ-કુરેશીને ગયા વર્ષે 30 નવેમ્બરે ISISનો નેતા બનાવવામાં આવ્યો હતો.