બિઝનેસ શરૂ કરવાની બાબતમાં દેશની મહિલાઓ ઘણી આગળ છે. વિશ્વના ટોપ-5 અર્થતંત્રવાળા દેશમાં અમેરિકા પછીના, બીજા ક્રમે ભારત છે. ચીન સાથે સરખામણી કરીએ તો સાડા ત્રણ વર્ષમાં બિઝનેસ શરૂ કરનારી ભારતીય મહિલાઓની સંખ્યા ચીન કરતાં બે ગણાં કરતાં પણ વધુ છે. દેશના નવા ઉદ્યોગ સાહસિકોમાં મહિલાઓની ભાગીદારી 11 % છે જ્યારે ચીનમાં આ આંકડો માત્ર 5 % પર અટક્યો છે. અમેરિકામાં આ ભાગીદારી 18 %, જર્મનીમાં 7 % અને જાપાનમાં માત્ર 3.6 % છે. ગ્લોબલ આંત્રપ્રિન્યોરશિપ મૉનિટરના 2022-23ના વૈશ્વિક અહેવાલમાં આ વાત બહાર આવી છે. નવો બિઝનેસ શરૂ કરવ માટે અનુકૂળ દેશોમાં પણ યુએઈ, સાઉદી અરબ, તાઇવાન પછી ભારત ચોથા ક્રમે છે.