દેશની ટોચની 10 કંપનીઓમાંથી નવ કંપનીઓએ 3 નવેમ્બરના રોજ પૂરા થયેલા ટ્રેડિંગ સપ્તાહમાં ₹97,463.46 કરોડનો નફો કર્યો છે. આમાં મુકેશ અંબાણીની રિલાયન્સ ઇન્ડસ્ટ્રીઝ ટોપ ગેનર રહી છે. જ્યારે બજાજ ફાઇનાન્સ એકમાત્ર એવી કંપની છે જેને આ સમયગાળા દરમિયાન ₹5,210.91 કરોડનું નુકસાન થયું છે.

તે જ સમયે, 27 ઓક્ટોબરે પૂરા થયેલા ટ્રેડિંગ સપ્તાહમાં તમામ ટોચની 10 કંપનીઓને ₹1.93 લાખ કરોડની ખોટ થઈ હતી. ત્યારબાદ એક સપ્તાહમાં ટાટા કન્સલ્ટન્સી સર્વિસિસ (TCS) અને HDFC બેન્કના માર્કેટ વેલ્યુએશનમાં ₹93,142 કરોડનો ઘટાડો નોંધાયો હતો.

તે સમયગાળા દરમિયાન સ્ટેટ બેંક ઓફ ઈન્ડિયાને ₹2,008 કરોડનું નુકસાન થયું હતું. પરંતુ, 3 નવેમ્બરે પૂરા થયેલા ટ્રેડિંગ સપ્તાહમાં, બેંકે ₹15,305.71 કરોડનો નફો કર્યો છે, જે પછી તેનું બજાર મૂલ્ય વધીને ₹5.16 લાખ કરોડ થઈ ગયું છે.