Ola ઇલેક્ટ્રિક મોબિલિટીની પ્રારંભિક જાહેર ઓફર (IPO) આજે ખુલ્યો છે. રોકાણકારો તેના માટે 6 ઓગસ્ટ સુધી બિડ કરી શકશે. કંપનીના શેર 9 ઓગસ્ટે બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટ થશે. આ સાથે તે પ્રથમ લિસ્ટેડ ઇલેક્ટ્રિક ટુ-વ્હીલર કંપની બની જશે.

કંપની આ ઈસ્યુ દ્વારા રૂ. 6,145.56 કરોડ એકત્ર કરવા માગે છે. આ માટે, કંપની રૂ. 5,500 કરોડના 723,684,210 નવા શેર જારી કરી રહી છે. જ્યારે કંપનીના હાલના રોકાણકારો ઓફર ફોર સેલ એટલે કે OFS દ્વારા રૂ. 645.56 કરોડના મૂલ્યના 84,941,997 શેર વેચી રહ્યા છે.

ઓલા ઇલેક્ટ્રિકે તેના IPOની પ્રાઇસ બેન્ડ રૂ. 72થી 76 નક્કી કરી છે. છૂટક રોકાણકારો ઓછામાં ઓછા એક લોટ એટલે કે 195 શેર માટે બિડ કરી શકે છે. જો તમે રૂ. 76ના IPOના ઉપલા પ્રાઇસ બેન્ડ મુજબ 1 લોટ માટે અરજી કરો છો, તો તમારે રૂ. 14,820નું રોકાણ કરવું પડશે.

તે જ સમયે, છૂટક રોકાણકારો મહત્તમ 13 લોટ એટલે કે 2535 શેર માટે અરજી કરી શકે છે. આ માટે રોકાણકારોએ અપર પ્રાઇસ બેન્ડ મુજબ ₹192,660નું રોકાણ કરવું પડશે.