ગોંડલ પંથકમાં ફરી પાછા સિંહે દેખા દીધી છે અને છેલ્લા સાત આઠ વર્ષથી દિવાળી આસપાસ આ પંથકમાં આવવાની પરંપરા જાળવી રાખી છે. ગોંડલ તાલુકાના સુલતાનપુર અને દેવળાની સિમમાં ધામાં નાખ્યા છે અને સાથે બે બાળ સિંહ પણ જોવા મળ્યા હતા . આ પરિવારે ગાયનું મારણ કર્યું હોય વન વિભાગ દ્વારા તપાસ હાથ ધરવામાં આવી હતી.

પ્રાપ્ત વિગત મુજબ ગોંડલ પંથકના સુલતાનપુર અને દેવળા ગામની સિમમાં બે બાળ સિંહ કપાસના વાવેતર માં દેખાયા હોય જે બાળ સિંહ અમરેલી રેન્જના હોવાનું ફોરેસ્ટ વિભાગ દ્વારા જણાવવામાં આવ્યું હતું. બન્ને બાળસિંહનું લોકેશન મેળવવા વન વિભાગે કવાયત હાથ ધરી હતી. બાળસિંહની દેખરેખમાં RFO દીપકસિંહ જાડેજા, ફોરેસ્ટર એચ.એમ.જાડેજા, પી.એમ.ચુડાસમા, એસ.જે. ચુડાસમા સહિતનો વનવિભાગ સ્ટાફ સ્થળ પર પહોંચ્યો હતો અને તપાસ સહિતની કાર્યવાહી હાથ ધરી હતી.