નવી દિલ્હીમાં બુધવારે મળેલી મોદી કેબિનેટની બેઠકમાં PM વિદ્યાલક્ષ્મી યોજનાને મંજૂરી આપવામાં આવી હતી. આમાં ભારત સરકાર ઉચ્ચ શિક્ષણ માટે 7.5 લાખ રૂપિયા સુધીની લોન પર 75% ક્રેડિટ ગેરંટી આપશે.

8 લાખ રૂપિયાની વાર્ષિક આવક ધરાવતા પરિવારનાં બાળકોને પણ 10 લાખ રૂપિયા સુધીની લોન પર 3% વ્યાજ સબસિડી આપવામાં આવશે. 4.5 લાખ રૂપિયા સુધીની વાર્ષિક આવક ધરાવતા વિદ્યાર્થીઓને પહેલેથી જ સંપૂર્ણ વ્યાજ સબસિડી મળી રહી છે.

વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય કેબિનેટની બેઠકમાં કહેવામાં આવ્યું હતું કે આ યોજનાનો ઉદ્દેશ હોશિયાર વિદ્યાર્થીઓને સહાય પૂરી પાડવાનો છે, જેથી પૈસા તેમના અભ્યાસમાં અડચણ ન બને.