સાઉથ આફ્રિકાએ બીજી T20માં ભારતને 3 વિકેટે હરાવ્યું છે. 125 રનના ટાર્ગેટ એક સમયે ટીમે 16 ઓવરમાં 88 રનમાં 7 વિકેટ ગુમાવી દીધી હતી. અહીંથી ટ્રિસ્ટન સ્ટબ્સ અને ગેરાલ્ડ કોત્ઝીએ 18 બોલમાં 37 રન બનાવ્યા અને ટીમને જીત અપાવી હતી. આ સાથે 4 T-20 સિરીઝ 1-1 થી બરાબર થઈ ગઈ છે.

કેબેરાના સેન્ટ જ્યોર્જ પાર્ક સ્ટેડિયમમાં સાઉથ આફ્રિકાએ ટૉસ જીતીને બોલિંગ પસંદ કરી હતી. ખરાબ શરૂઆત બાદ ભારતે 6 વિકેટ ગુમાવીને 124 રન બનાવ્યા હતા. હાર્દિક પંડ્યાએ 39 રન બનાવ્યા હતા. સાઉથ આફ્રિકાએ 19 ઓવરમાં 7 વિકેટ ગુમાવીને ટાર્ગેટ ચેઝ કરી લીધો હતો. ટ્રિસ્ટન સ્ટબ્સે 47 રન બનાવ્યા હતા. ભારત તરફથી વરુણ ચક્રવર્તીએ 17 રનમાં 5 વિકેટ લીધી હતી.