ભારતે અઝરબૈજાનની રાજધાની બાકુમાં 29મી કોન્ફરન્સ ઓફ પાર્ટીઝ (COP29) દરમિયાન વિકાસશીલ દેશોને મદદ કરવા માટે રચાયેલ $300 બિલિયન ક્લાઈમેટ ફાઇનાન્સ પેકેજને નકારી કાઢ્યું હતું. ભારતે આ રકમને વિકાસશીલ દેશોની જરૂરિયાત કરતાં ઘણી ઓછી ગણાવી છે. ભારતીય પ્રતિનિધિમંડળ વતી ચાંદની રૈનાએ કહ્યું, "અમે આનાથી ખૂબ જ નિરાશ છીએ, તે સ્પષ્ટપણે દર્શાવે છે કે વિકસિત દેશો તેમની જવાબદારીઓ નિભાવવા માટે તૈયાર નથી.

રવિવારે COP29 માં 2035 સુધી વિકાસશીલ દેશોને દર વર્ષે $300 બિલિયન આપવા સંમત થયા હતા. તેનો હેતુ વિકાસશીલ દેશોને અશ્મિભૂત ઇંધણ ઘટાડવા માટે પ્રોત્સાહિત કરવાનો છે, તેમને આબોહવા પરિવર્તનનો સામનો કરવા તૈયાર કરવા અને તેનાથી થતા નુકસાનને દૂર કરવામાં મદદ કરવાનો છે.