ઈઝરાયલમાં મસ્જિદોમાં સ્પીકર પર અઝાન પર પ્રતિબંધ છે. સંરક્ષણ મંત્રી ઇતામાર બેન ગ્વિરે પોલીસને મસ્જિદોમાં લગાવેલા સ્પીકર્સ જપ્ત કરવા અને અવાજ કરવા બદલ દંડ ફટકારવાનો આદેશ આપ્યો છે.

ટાઈમ્સ ઓફ ઈઝરાયલ અનુસાર, પૂર્વ જેરુસલેમ અને અન્ય ઘણા વિસ્તારોમાં મસ્જિદોમાંથી મોટા અવાજ આવવાની ફરિયાદો કરવામાં આવી છે.

સ્પીકર પર પ્રતિબંધ મૂકવાની માગણી કરનારાઓનું કહેવું છે કે તેનો મોટો અવાજ સવારની ઊંઘમાં ખલેલ પહોંચાડે છે. બેન જીવીરે પોલીસ કમાન્ડરોને કહ્યું કે તેઓ ટૂંક સમયમાં એક બિલ રજૂ કરશે જે ઘોંઘાટવાળી મસ્જિદો પર દંડ વધારશે.

ઈઝરાયલમાં જ આ નિર્ણય સામે વિરોધના અવાજ ઉઠવા લાગ્યો છે. કેટલાક શહેરોના મેયરે કહ્યું- અમે બેન ગ્વિરના આ પગલાને મુસ્લિમો વિરુદ્ધ ઉશ્કેરણી તરીકે જોઈ રહ્યા છીએ, તેનાથી રમખાણો થઈ શકે છે.