પાકિસ્તાન ક્રિકેટ બોર્ડ (PCB)એ પાકિસ્તાનના 77માં સ્વતંત્રતા દિવસ (14 ઓગસ્ટ) પર સોશિયલ મીડિયા પર જાહેર કરાયેલા એક વીડિયોમાં ભૂતપૂર્વ વડાપ્રધાન ઈમરાન ખાનનો સમાવેશ કર્યો છે.

હકીકતમાં PCBએ 14 ઓગસ્ટના રોજ સ્વતંત્રતા દિવસ પર ક્રિકેટનો ઈતિહાસ દર્શાવતો વીડિયો જાહેર કર્યો હતો. ઈમરાન ખાન આ વીડિયોમાં સામેલ નહતા. જ્યારે પાકિસ્તાને 1992માં ઈમરાનની કેપ્ટન્સીમાં વર્લ્ડ કપ જીત્યો હતો.

વીડિયો જાહેર થતાં પાકિસ્તાન ક્રિકેટ બોર્ડની ટીકા થઈ હતી. વસીમ અકરમ સહિત અનેક પૂર્વ ક્રિકેટરોએ PCBની ટીકા કરી હતી. હવે PCBએ પોતાની ભૂલ સુધારી છે અને વીડિયોમાં ઈમરાન ખાનનો સમાવેશ કર્યો છે. PCBએ પણ ઈમરાન ખાનને સામેલ ન કરવા અંગે પોતાની સ્પષ્ટતા આપી અને કહ્યું કે વીડિયોની સાઈઝ મોટી થઈ રહી હોવાને કારણે કારણે તેને સામેલ કરવામાં આવ્યા નથી.

વીડિયોમાં પાકિસ્તાનના ઘણા ક્રિકેટ દિગ્ગજો સામેલ છે
બે મિનિટ-21-સેકન્ડનો વીડિયો, 14 ઑગસ્ટના રોજ રિલીઝ થયો હતો, જેમાં 1952માં પાકિસ્તાનના આંતરરાષ્ટ્રીય ક્રિકેટમાં પદાર્પણથી લઈને 1992માં વર્લ્ડ કપ જીતથી લઈને 2022ના T20 વર્લ્ડ કપની ફાઈનલ સુધીની વાર્તા દર્શાવવામાં આવી છે. 2022 T20 વર્લ્ડ કપમાં બાબર આઝમની કપ્તાનીમાં પાકિસ્તાનની ટીમ ફાઇનલમાં પહોંચી હતી. વીડિયોના કેપ્શનમાં લખ્યું છે- 'ઈતિહાસ બનાવવો એ માત્ર એક દિવસની રમત નથી. પાકિસ્તાન ક્રિકેટ ટીમ - એક વારસો જે સમયની સાથે પડઘો પાડે છે.'