ભારતની કોનેરુ હમ્પીએ બીજી વખત વર્લ્ડ રેપિડ ચેસ ચેમ્પિયનશિપનો ખિતાબ જીત્યો છે. ન્યૂયોર્કમાં રમાયેલી આ ટુર્નામેન્ટમાં હમ્પીએ ફાઈનલમાં ઇન્ડોનેશિયાની ઇરીન સુખંદરને હરાવી હતી.

અગાઉ, હમ્પીએ વર્ષ 2019માં જ્યોર્જિયામાં આયોજિત આ ચેમ્પિયનશિપ જીતી હતી. ભારતની નંબર 1 ખેલાડી ચીનની ઝુ વેનજુન પછી એકથી વધુ વખત ટાઇટલ જીતનાર બીજી ખેલાડી છે. 37 વર્ષીય હમ્પીએ 11માંથી 8.5 પોઈન્ટ સાથે ટુર્નામેન્ટ પૂરી કરી.

હમ્પી ગ્રાન્ડ માસ્ટર બનનાર ભારતની પ્રથમ મહિલા ખેલાડી હમ્પી નેશનલ બોયઝ ટાઈટલ જીતનારી પ્રથમ ભારતીય મહિલા હતી. તે ગ્રાન્ડ માસ્ટર બનનાર ભારતની પ્રથમ મહિલા ખેલાડી છે. 2600 ELO પોઈન્ટ હાંસલ કરનાર તે માત્ર બીજી મહિલા ખેલાડી છે. તેના પિતા અશોક કોનેરુએ 5 વર્ષની ઉંમરે તેમની પ્રતિભાને ઓળખી હતી.

અશોક પણ ચેસ રમતા હતા. તેમણે હમ્પીને ટ્રેનિંગ આપી. અશોક પ્રોફેસર હતા. તેમની પુત્રીના ચેસના સપનાને પૂરા કરવા માટે, તેમણે નોકરી છોડી દીધી અને હમ્પીને ટ્રેનિંગ આપવાનું શરૂ કર્યું. 6 અને 7 વર્ષની ઉંમરે હમ્પીએ સ્ટેટ ચેમ્પિયનશિપ જીતી હતી. આ પછી તે અંડર-12, 14, 16ની નેશનલ ચેમ્પિયન બની હતી.