અમેરિકાના રાષ્ટ્રપતિ ડોનાલ્ડ ટ્રમ્પે પીએમ મોદી સાથે મુલાકાતના 2 કલાક પહેલા ભારત સહિત તમામ દેશો પર પારસ્પરિક ટેરિફ લાદવાની જાહેરાત કરી છે. પારસ્પરિક ટેરિફનો અર્થ એ છે કે કોઈ દેશ અમેરિકન માલ પર ગમે તેટલો ટેરિફ લાદશે, અમેરિકા પણ તે દેશના માલ પર તેટલા જ ટેરિફ લાદશે.

રોઇટર્સના અહેવાલ મુજબ, તેમણે ગુરુવારે રાત્રે (ભારતીય સમય મુજબ 12:30વાગ્યે) આ સંબંધિત નવી ટેરિફ નીતિ પર હસ્તાક્ષર કર્યા. ટ્રમ્પે હજુ સુધી આ ટેરિફ કયા દેશો પર લાદવામાં આવશે તેની માહિતી આપી નથી. જોકે, તેમણે કહ્યું છે કે જે પણ દેશો અમેરિકા પર ટેરિફ લાદે છે, અમેરિકા પણ તેમના પર એટલા જ ટેરિફ લાદશે.

મીડિયા રિપોર્ટ્સ અનુસાર, પીએમ મોદીની અમેરિકા મુલાકાત દરમિયાન, અમેરિકા બીજી ફ્લાઇટ દ્વારા ગેરકાયદેસર ભારતીય ઇમિગ્રન્ટ્સને પાછા મોકલી શકે છે. આ ફ્લાઇટ 15 ફેબ્રુઆરીએ અમૃતસર પહોંચવાની અપેક્ષા છે. હાલમાં આ અંગે કોઈ સત્તાવાર નિવેદન જારી કરવામાં આવ્યું નથી. પહેલી ફ્લાઇટ 5ફેબ્રુઆરીના રોજ આવી. આમાં, 104 ગેરકાયદેસર ભારતીય ઇમિગ્રન્ટ્સને ભારત મોકલવામાં આવ્યા હતા