જસદણમાં બાયપાસ રોડ પર આવેલ ખાનપર ચોકડી પાસે વહેલી સવારે ટ્રક અને કાર વચ્ચે અકસ્માત સર્જાતા કારમાં સવાર 4 લોકોને ઈજાઓ પહોંચતા તાત્કાલિક જસદણની સિવિલ હોસ્પિટલમાં સારવાર અર્થે ખસેડવામાં આવ્યા હતા. જો કે આ અકસ્માતમાં કોઈ જાનહાની ન થતા સેવાભાવી લોકોએ રાહતનો શ્વાસ લીધો હતો.

ભાવનગર ખાતે રહેતા સમીરભાઈ અશરફભાઈ બેલીમ, હુસેનશાહ પઠાણ, સાતીરભાઈ નવસારભાઈ બાનવા અને શારભાઈ નજીરભાઈ સૈયદ બધા કાર નં. GJ-04DN-8395 લઈને જસદણ તેમના સંબંધીને ત્યાં વ્યાવહારિક કામે આવતા હતા. ત્યારે વહેલી સવારે જસદણના બાયપાસ રોડ પર આવેલી ખાનપર ચોકડી પાસે પહોંચતા આટકોટ સાઈડથી વીંછિયા તરફ જતા ટ્રક નં. GJ-11Z-6566 નાં ચાલકે કારને હડફેટે લેતા કારમાં સવાર ચારેય વ્યક્તિઓને ઈજા પહોંચી હતી.