Office Address
Vinayaka Plu Office No. 103, Bhupendra Road, Rajkot.
Phone Number
+91 83203 32706
Email Address
info@samkalin.in
Vinayaka Plu Office No. 103, Bhupendra Road, Rajkot.
+91 83203 32706
info@samkalin.in
ચીનના શિનજિયાંગ પ્રાંતમાં ઉઈગર મુસ્લિમોના વિરોધને દબાવવા મોટો ખેલ ચાલી રહ્યો છે. અહીંની ઉઈગર મુસ્લિમોની વસતીની ઓળખને ખતમ કરી નાખવા ઉઈગર છોકરીઓના બળજબરીપૂર્વક ચીનના યુવાઓ સાથે લગ્ન કરાવાઈ રહ્યા છે.
ચીનમાં બહુમતીમાં હાન સમુદાયના યુવાઓના લગ્ન માટે વિશેષ ભથ્થાં અપાઈ રહ્યા છે. વોશિંગ્ટનના ઉઇગર હ્યુમન રાઈટ્સ પ્રોજેક્ટ(યુએચઆરપી) અનુસાર કોઈ ઉઈગર છોકરી લગ્ન કરવાનો વિરોધ કરે તો તેના માતા-પિતાને જેલમાં પૂરી દેવાય છે. યુએચઆરપી અનુસાર કોઈ પણ ઉઈગર છોકરી હાન છોકરા સાથે લગ્નનો વિરોધ કરવાની સ્થિતિમાં નથી.
જિનપિંગના તાજેતરમાં ફરીથી કમ્યુનિસ્ટ પાર્ટીના મહાસચિવ તરીકે ચૂંટાયા બાદ શિનજિયાંગ પ્રાંતમાં 100 હાન યુવાઓ અને ઉઈગર છોકરીઓના લગ્ન કરાવાયા છે. આ લગ્ન કમ્યુનિસ્ટ પદાધિકારીઓની હાજરીમાં થાય છે.
હાન છોકરાને ઉઈગર છોકરી સાથે લગ્ન કરવા પર લગભગ સાડા 4 લાખ રૂપિયા અપાય છે. આ રીતે આંતરજાતિય લગ્ન કરવા પર દંપતીને મફત ઘર, મેડિકલ સુવિધા અને અન્ય પ્રકારના વિશેષ ભથ્થાં પણ અપાય છે. પણ આ ભથ્થાં હાન છોકરાના નામે જ ઈશ્યૂ થાય છે.
