કઠોળ અને શાકભાજી સસ્તા થવાને કારણે ફેબ્રુઆરીમાં છૂટક ફુગાવો ઘટીને 3.61% થયો છે. આ 7 મહિનામાં ફુગાવાનો સૌથી નીચો સ્તર છે. જુલાઈ 2024માં ફુગાવાનો દર 3.54% હતો. જ્યારે જાન્યુઆરી 20245માં ફુગાવો 4.31% હતો. આંકડા મંત્રાલયે આજે 12 માર્ચે ફુગાવાના આંકડા જાહેર કર્યા.

ફુગાવાના બાસ્કેટમાં ખાદ્ય ચીજવસ્તુઓનો ફાળો લગભગ 50% છે. મહિના-દર-મહિનાના આધારે તેનો ફુગાવો 5.97% થી ઘટીને 3.75% થયો છે. તે જ સમયે, ગ્રામીણ ફુગાવો 4.59% થી ઘટીને 3.79% થયો છે અને શહેરી ફુગાવો 3.87% થી ઘટીને 3.32% થયો છે.

બેંક ઓફ બરોડાના મુખ્ય અર્થશાસ્ત્રી મદન સબનવીસે જણાવ્યું હતું કે ફેબ્રુઆરીમાં છૂટક ફુગાવો ઘટીને 4.1% થઈ શકે છે. દરેક ક્ષેત્રમાં ભાવ ઘટી રહ્યા છે. શાકભાજીના જથ્થાબંધ ભાવમાં ઘટાડો થયો છે. ટામેટાં અને બટાકાના ભાવ સૌથી વધુ ઘટ્યા છે. આ સ્થિતિ જૂન સુધી ચાલુ રહેવાની શક્યતા છે.

4 માર્ચથી 10 માર્ચ દરમિયાન 45 અર્થશાસ્ત્રીઓના રોઇટર્સ સર્વેક્ષણમાં અંદાજ લગાવવામાં આવ્યો હતો કે ફેબ્રુઆરીમાં છૂટક ફુગાવો ઘટીને 3.98% થઈ શકે છે.