છેલ્લા 23 મહિનાથી ઇઝરાયલી હુમલાઓને કારણે ગાઝા પટ્ટી સંપૂર્ણપણે તબાહ થઈ ગઈ છે. આ દરમિયાન ગાઝાને દુબઈ જેવું પર્યટન અને નાણાકીય સ્થળ બનાવવાની યુએસ રાષ્ટ્રપતિ ડોનાલ્ડ ટ્રમ્પની યોજના સામે આવી છે.

વોશિંગ્ટન પોસ્ટ અનુસાર, 38 પાનાના સરકારી દસ્તાવેજમાં ગાઝાને હાઇ-ટેક મેગાસિટીમાં રૂપાંતરિત કરવાની યોજનાની રૂપરેખા આપવામાં આવી છે. આ યોજનાને 'ગાઝા રિકન્સ્ટ્રક્શન, ઇકોનોમિક એક્સિલરેશન એન્ડ ટ્રાન્સફોર્મેશનલ ટ્રસ્ટ' (GREAT) નામ આપવામાં આવ્યું છે.

તે લગભગ 9 લાખ કરોડ રૂપિયાના ખર્ચે બનાવવામાં આવશે. ટ્રમ્પ આ ઇમારતોને ઊંચા ભાવે વેચશે. આ માટે 20 લાખ લોકોને ખાલી કરાવવામાં આવશે, જેમને શહેર છોડવાના બદલામાં 4 લાખ રૂપિયા અને સ્થાયી થવા માટે 4 વર્ષનું ભાડું આપવામાં આવશે. એવું પણ કહેવામાં આવ્યું છે કે એક વર્ષ માટે મફત ખોરાક આપવામાં આવશે.

આ દસ્તાવેજમાં ટ્રમ્પ, ઈલોન મસ્ક અને સાઉદી અરેબિયાના ક્રાઉન પ્રિન્સ મોહમ્મદ બિન સલમાનનો ઉલ્લેખ છે. જોકે, માનવાધિકાર સંગઠનો અને નિષ્ણાતોએ તેને ગાઝામાંથી લોકોને હાંકી કાઢવા અને નરસંહાર કરવાનું કાવતરું ગણાવ્યું છે.

રિપોર્ટ અનુસાર, ગાઝામાંથી લોકોને બહાર કાઢવામાં આવશે અને તેમને ઇજિપ્ત, કતાર જેવા દેશોમાં અથવા પેલેસ્ટાઇનના કોઈ વિસ્તારમાં રાખવામાં આવશે.