મંગળવારે ફિલિપાઇન્સના બોહોલ પ્રાંતમાં 6.9ની તીવ્રતાનો ભૂકંપ આવ્યો હતો. યુએસ ભૂસ્તરશાસ્ત્રીય સર્વે (USGS)એ શરૂઆતમાં તેની તીવ્રતા 7.0 જણાવી હતી, પરંતુ બાદમાં તેને 6.9 કરી દીધી હતી.

ભૂકંપનું કેન્દ્રબિંદુ બોહોલ પ્રાંતના લગભગ 33,000 વસ્તી ધરાવતા શહેર કાલાપેથી લગભગ 11 કિલોમીટર દક્ષિણપૂર્વમાં હતું. ભૂકંપનો આંચકો અનુભવાતા જ લોકો ઘરની બહાર દોડી આવ્યા હતા.

સરકાર અને રાહત ટીમો પરિસ્થિતિનું મૂલ્યાંકન કરી રહી છે. હજુ સુધી કોઈ જાનહાનિના અહેવાલ નથી.

ભૂકંપથી સુનામીનો કોઈ ખતરો નથી

પેસિફિક સુનામી ચેતવણી કેન્દ્રએ જણાવ્યું હતું કે આ ભૂકંપથી સુનામીનો કોઈ ખતરો નથી. તેમણે લોકોને ગભરાવાની જરૂર નથી તેવી સલાહ આપી હતી. સરકારે કહ્યું કે તે પરિસ્થિતિ પર નજર રાખી રહી છે.

જોકે આફ્ટરશોક્સનું જોખમ રહેલું છે. પ્રથમ મોટા ભૂકંપ પછી જ્યારે જમીન સતત ખસતી રહે છે ત્યારે આફ્ટરશોક્સ આવે છે. આફ્ટરશોક્સ દિવસો, અઠવાડિયા અથવા વર્ષો પછી પણ આવી શકે છે, અને તેમની તીવ્રતા શરૂઆતના ભૂકંપ જેટલી જ અથવા તેનાથી પણ વધુ હોઈ શકે છે.