ટ્રમ્પ વહીવટીતંત્રના શ્રમ વિભાગે કંપનીઓ પર H-1B વિઝાનો દુરુપયોગ કરવાનો આરોપ લગાવ્યો છે. વિભાગે આ અંગે એક વીડિયો બહાર પાડ્યો છે.

તેમાં આરોપ મૂકવામાં આવ્યો છે કે કંપનીઓએ H-1B વિઝાનો દુરુપયોગ કરીને અને ઓછા પગારવાળા વિદેશી કામદારોને અન્યાયી રીતે નોકરી પર રાખીને અમેરિકન યુવાનો પાસેથી 'અમેરિકન ડ્રીમ' છીનવી લીધું છે.

આ વીડિયોમાં રાજકારણીઓ અને અમલદારો પર કંપનીઓને આ છેતરપિંડી કરવાની મંજૂરી આપવાનો આરોપ મૂકવામાં આવ્યો છે. તે દર્શાવે છે કે H-1B વિઝા ધારકોમાં 72% ભારતીયો છે, જ્યારે 12% ચીની છે.

વીડિઓમાં નરેટર કહે છે- રાષ્ટ્રપતિ અને શ્રમ સચિવ લોરી ચાવેઝ-ડર્મરના નેતૃત્વ હેઠળ, અમે વિઝા દુરુપયોગ માટે કંપનીઓને જવાબદાર ઠેરવી રહ્યા છીએ. અમે અમેરિકન લોકો માટે અમેરિકન સ્વપ્ન પાછું લાવી રહ્યા છીએ,