કૃષિ મંત્રી શિવરાજ સિંહ ચૌહાણે લોકસભામાં ભારત ગેરંટી ફોર એમ્પ્લોયમેન્ટ આજીવિકા મિશન (ગ્રામીણ) બિલ, VB-G રામ જી બિલ પર જવાબ આપ્યો. આ દરમિયાન, વિપક્ષે બિલ વિરુદ્ધ સૂત્રોચ્ચાર કરવાનું ચાલુ રાખ્યું. વિપક્ષના સાંસદોએ વેલમાં પહોંચી ગયા અને બિલની કોપી ફાડી કાગળો ફેંકાયા હતા.

કેન્દ્રીય કૃષિ મંત્રી શિવરાજ સિંહ ચૌહાણે લોકસભામાં કહ્યું, "અમે કોઈની સાથે ભેદભાવ કરતા નથી. બાપુ અમારા પ્રેરણા અને આદર છે. આખો દેશ અમારા માટે એક છે. દેશ અમારા માટે ફક્ત જમીનનો ટુકડો નથી. અમારા વિચારો સંકુચિત કે મર્યાદિત નથી."

નવા ગ્રામીણ રોજગાર બિલ (VB-G-RAM-G) વિરુદ્ધ વિપક્ષે ગુરુવારે સંસદ પરિસરમાં કૂચ કરી. આમાં વિપક્ષના 50થી વધુ સાંસદોએ ભાગ લીધો અને VB-G-RAM-G બિલ પાછું ખેંચવાની માંગ સાથે સૂત્રોચ્ચાર કર્યા હતા.

આ પહેલા બુધવારે લોકસભામાં VB-G-RAM-G બિલ પર 14 કલાક ચર્ચા થઈ. કાર્યવાહી મોડી રાત્રે 1:35 વાગ્યા સુધી ચાલી. આમાં 98 સાંસદોએ ભાગ લીધો.

જોકે, વિપક્ષે માંગ કરી કે પ્રસ્તાવિત કાયદાને સ્થાયી સમિતિ પાસે મોકલવામાં આવે. આ 20 વર્ષ જૂના MGNREG એક્ટનું સ્થાન લેશે.

લોકસભામાં ગુરુવારે પ્રદૂષણ પર પણ ચર્ચા થશે. કોંગ્રેસ સાંસદ પ્રિયંકા ગાંધી વાડ્રા ચર્ચા શરૂ કરી શકે છે. કેન્દ્રીય પર્યાવરણ મંત્રી ભૂપેન્દ્ર યાદવ સાંજે 5 વાગ્યે આ ચર્ચાનો જવાબ આપશે.