સોના-ચાંદીના ભાવ બીજા દિવસે ઓલટાઇમ હાઈ પર પહોંચી ગયા છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, સોનું 2,191 રૂપિયા વધીને 1,36,133 રૂપિયા પ્રતિ 10 ગ્રામ થયું છે. આ પહેલા સોમવારે તે 1,33,970 રૂપિયા પર હતું.

જ્યારે, 1 કિલો ચાંદીની કિંમત 1,523 રૂપિયા વધીને 2,09,250 રૂપિયા પ્રતિ કિલો પર પહોંચી ગઈ છે. આ પહેલા સોમવારે તેની કિંમત ₹2,07,727/kg હતી. 10 દિવસમાં ચાંદી 30,357 રૂપિયા મોંઘી થઈ છે. 9 ડિસેમ્બરે તેની કિંમત 1,78,893 રૂપિયા પ્રતિ કિલો હતી.

IBJA ના સોનાના ભાવમાં 3% GST, મેકિંગ ચાર્જ, જ્વેલર્સ માર્જિન સામેલ નથી હોતું. તેથી શહેરોના રેટ્સ તેનાથી અલગ હોય છે. આ રેટ્સનો ઉપયોગ RBI સોવરેન ગોલ્ડ બોન્ડના રેટ નક્કી કરવા માટે કરે છે. ઘણી બેંકો ગોલ્ડ લોનના રેટ નક્કી કરવા માટે તેનો ઉપયોગ કરે છે.