ખરાબ હવામાનને કારણે હૈદરાબાદથી દરભંગા આવી રહેલી ફ્લાઇટને ડાયવર્ટ કરવામાં આવી છે. 100થી વધુ મુસાફરો કોલકાતામાં ફસાયા છે. મુસાફરોએ ફ્લાઇટની અંદર જ ભારે હોબાળો મચાવ્યો છે. વિમાનની અંદર થયેલા હોબાળાનો વીડિયો પણ સામે આવ્યો છે.

હૈદરાબાદથી દરભંગા આવતી ઇન્ડિગો એરલાઇન્સની ફ્લાઇટ નંબર 6E 537ને નિર્ધારિત સમય બપોરે 2.05 વાગ્યે દરભંગામાં ઉતરવાની હતી, પરંતુ ખરાબ હવામાનને કારણે વિમાનને કોલકાતા ડાયવર્ટ કરવામાં આવી.

દરભંગા ઉતરવાના મુસાફરો અચાનક કોલકાતા પહોંચી જવાથી નારાજ થઈ ગયા. વિમાનની અંદર જ મુસાફરોએ હોબાળો શરૂ કરી દીધો અને પાયલટ અને એરલાઇન સ્ટાફ પર દરભંગા પહોંચાડવા દબાણ કરવા લાગ્યા.