સરકારે ડિસેમ્બર-2023માં ગુડ્સ એન્ડ સર્વિસ ટેક્સ એટલે કે જીએસટીમાંથી 1.64 લાખ કરોડ રૂપિયા એકત્ર કર્યા છે. આ એક વર્ષ પહેલા એટલે કે ડિસેમ્બર 2022 કરતા 10% વધુ છે. ત્યારબાદ જીએસટીમાંથી 1.49 લાખ કરોડ રૂપિયા એકત્ર થયા હતા. એક મહિના પહેલા નવેમ્બરમાં સરકારે જીએસટીમાંથી 1.67 લાખ કરોડ રૂપિયા એકત્ર કર્યા હતા.

આ સતત 10મી વખત છે જ્યારે રેવન્યુ કલેક્શન રૂ. 1.5 લાખ કરોડથી વધુ થયું છે. જોકે, અત્યાર સુધીમાં સૌથી વધુ GST કલેક્શન એપ્રિલ 2023માં થયું હતું, જ્યારે આ આંકડો રૂ. 1.87 લાખ કરોડને પાર કરી ગયો હતો. આ સિવાય સતત 21 મહિનાથી દેશનું GST કલેક્શન 1.4 લાખ કરોડ રૂપિયાથી ઉપર રહ્યું છે.

CGST રૂ. 30,443 કરોડ, SGST રૂ. 37,935 કરોડ
નાણા મંત્રાલયના જણાવ્યા અનુસાર ડિસેમ્બર 2023માં GST કલેક્શન ₹1,64,882 કરોડ હતું. જેમાં CGST રૂ. 30,443 કરોડ, SGST રૂ. 37,935 કરોડ, IGST રૂ. 84,255 કરોડ (માલની આયાત પર એકત્રિત કરાયેલ રૂ. 41,534 કરોડ સહિત) અને સેસ રૂ. 12,249 કરોડ હતો. સેસમાં માલની આયાતમાંથી મળેલા રૂ. 1,079 કરોડનો સમાવેશ થાય છે.