સિગારેટ અને કન્ફેક્શનરી (મીઠાઈ, કેક અને ચોકલેટ વગેરે) નું ઉત્પાદન કરતી રૂ. 11,000 કરોડની કિંમતની કંપની ગોડફ્રે ફિલિપ્સના પ્રમોટરો અને મોદી પરિવાર વચ્ચે કંપનીમાં શેરના વિતરણને લઈને ઝઘડો વધ્યો છે. ડિરેક્ટર બીના મોદી અને તેમના નાના પુત્ર અને કંપનીના એક્ઝિક્યુટિવ ડિરેક્ટર સમીર મોદી વચ્ચે ઝપાઝપી થઈ છે.

સમીરે તેની માતા બીના મોદી પર હુમલાની ફરિયાદ દિલ્હીના સરિતા વિહાર પોલીસ સ્ટેશનમાં કરી છે. તેણે આરોપ લગાવ્યો હતો કે તેની માતાએ તેને બોર્ડ મીટિંગમાં આવવાથી રોક્યો હતો. તેની માતાના કહેવા પર, તેના સુરક્ષાકર્મીઓએ તેના પર હુમલો કર્યો, જેના કારણે તેની આંગળી પણ તૂટી ગઈ, તેણે કહ્યું, મારી આંગળી સ્ક્રૂથી ઠીક કરવામાં આવી છે.

લલિત મોદીએ સોશિયલ મીડિયા પ્લેટફોર્મ X પર નાના ભાઈ સમીર મોદીની હોસ્પિટલનો ફોટો શેર કર્યો છે. એક્સ ફોટો શેર કરતા તેણે લખ્યું કે મારા ભાઈને આ હાલતમાં જોઈને મારું દિલ તૂટી ગયું. એક માતાના દીકરાને તેના સુરક્ષાકર્મીઓ દ્વારા આ પ્રકારે માર મારવો કે તેનો હાથ હંમેશાં માટે ખરાબ થઈ જાય, આ ચોંકાવનારું છે. તેનું એકમાત્ર પાપ મીટિંગમાં હાજરી આપવાનું હતું - બોર્ડના તમામ સભ્યો આ અપરાધ માટે દોષિત છે. મારું હૃદય તેના માટે ઝંખે છે